Суббота, 15.08.2020, 11:30
Главная Регистрация RSS
Приветствую Вас, Гость
Баннер анкетирования
Меню сайта
Наш опрос
Должна ли быть введена в школу начальная военная подготовка для старшеклассников?
Всего ответов: 48
Вход на сайт

Поиск
Календарь
«  Декабрь 2019  »
ПнВтСрЧтПтСбВс
      1
2345678
9101112131415
16171819202122
23242526272829
3031
Главная » 2019 » Декабрь » 2 » Олоҥхо уонна хомус нэдиэлэтэ
14:58
Олоҥхо уонна хомус нэдиэлэтэ

,,Олоҥхо – саха норуотун энциклопедията,

бары күндүтэ мустубут музейа,,

Суорун Омоллоон

Олоҥхо – ноурот тылынан уус-уран айымньытын чыпчаала. Олус былыргы кэмнэргэ үөскээбит. Олоҥхоһуттар хас да олоҥхону холбоон уһун олоҥхо айаллара. Бухатыырдар охсуһууларын көрдөрөр героическай эпос. Саха олоҕун анаарыыта, историята, философията, өркөн өйө.

Биһиги оскуолабытыгар сэтинньи 25 күнүттэн саҕалаан олоҥхо уонна хомус нэдиэлэтэ ааста. Бастакы күн олоҥхо туһунан кэпсэтии буолла. Оҕолор олоҥхо ис хоһоонун, тутулун билэллэрин көрдөрдүлэр. Сэргэх сэһэргэһии таҕыста.

«Олоҥхо дьыктаана» диэн саҥа, сонун өрөспүүбүлүкэтээҕи бырайыакка үөрэнээччилэр кытыннылар. Уопсайа 29 оҕо суруйда. Юрий Петрович Борисов, эдэр олоҥхоһут, «Баһырҕастаах аттаах Баабый Баатыр» олоҥхотуттан быһа тардыыны суруйдулар. «Туйгун” сыанаҕа 10 оҕо суруйда. Олоҥхо дьыктаанын ыарахана устуруоканан  суруллуутугар сытар эбит диэн быһаардылар.  

Нэдиэлэ устата «Олоҥхо дойдутун устун айан” диэн олоҥхо туһунан билиибитин чиҥэтэр оонньуу-уруоктар көхтөөхтүк аастылар. Олоҥхоҕо норуот тылынан уус-уран айымньытын бары жанрдарын таарыйдыбыт. Таабырыны бары кэриэтэ таайаллар. Өс хоһоону ситэриигэ кыратык ыарырҕаттылар. Олоҥхоттон ыйытыкка хаардыы хаамаллар. Онон олус интэриһинэй, көхтөөх уруоктар буоллулар.

Төрүт остуол оонньууларын кытта билистибит. Тарбахтарбытын эрчийэн оонньоон көрдүбүт. Оҕолор ордук тырыыҥка, хаамыска оонньууну сөбүлээтилэр. Кылаастар бэйэлэрин икки ардыларыгар күрэхтэстилэр.

Олоҥхо уонна хомус нэдиэлэтин түмүктүүр тэрээһин өрө күүрүүлээхтик ааста.  «Олоҥхо оҕо хараҕынан» диэн быыстапканан астыбыт. Алын кылаас оҕолоро көхтөөх кыттыыны ыллылар. Радмир Попов (3 кылаас) «Олоҥхоһут» оҥоһугунан кыайыылаах үрдүк аатын ылла. Кыттыбыт оҕолорго туоһу сурук туттарылынна.

Салгыы «Олоҥхо дьыктаана»  өрөспүүбүлүкэтээҕи бырйыак түмүгүн иһитиннэрдибит. «Туйгун” сыанаҕа суруйбут оҕолорго диплом туттурдыбыт. Кыттыбыт оҕолорго туоһу сурук бэрилиннэ.

Элбэх мындыр албастаах хаамыска, тырыыҥка оонньуу күрэҕэ буолла. Табыгас тарбахтарын, имигэс илиилэрин үгүс оҕо көрдөрдө. 10-с кылаас оҕолоро үрдүк таһымнаах оонньуу көрдөрдүлэр. Хаамыскаҕа кыайыылааҕынан Марианна Чирикова, 2 миэстэ Женя Захаров, 3 миэстэ Айтал Попов буоллулар. Тулуурдаах оҕолор хааланнар тырыыҥкаҕа күөн көрүстүлэр. Кыайыылааҕынан Карина Иванова, 2 миэстэ Саша Протопопов, 3 миэстэ Лана Макарова таҕыстылар.

Олоҥхо уонна хомус нэдиэлэтэ оҕолор кистэлэҥ дьоҕурдарын, тулуйар кыахтарын арыйда. Онон оҕолорго да, учууталга да үтүө түмүктээх буолла.

Просмотров: 59 | Добавил: betun1 | Рейтинг: 0.0/0
Всего комментариев: 0
Имя *:
Email *:
Код *: